Partitë shqiptare të Luginës bashkohen në fushatë për zgjedhjet në Serbi

Tetë subjekte politike shqiptare nga Presheva, Bujanoci dhe Medvegja po zhvillojnë fushathë parazgjedhore me listën e përbashkët Koalicioni Shqiptar, e prire nga Shaip Kamberi, për zgjedhjet parlamentare në Serbi që do të mbren me 25 tetor 2026. Ky organizim synon forcimin e përfaqësimit të shqiptarëve dhe fitimin e tri ose më shumë vendeve parlamentare.

Marrëveshja politike ndërmjet subjekteve u arrit më 29 shtator në Prishtinë, në Zyrën e Kryeministrit të Kosovës, Albin Kurti, ndërsa bashkëpunimi zyrtar u publikua më 30 shtator. Në këtë marrëveshje janë përfshirë Partia për Veprim Demokratik e udhëhequr nga Shaip Kamberi, Alternativa për Ndryshim e drejtuar nga Visar Memeti, Partia Demokratike e Nagip Arifit, Partia Demokratike Shqiptare e Agim Sabedinit, Lëvizja për Progres Demokratik e Shqiprim Musliut, Lëvizja për Reforma e Sami Salihut, Alternativa për Luginën e Armend Aliut dhe Unioni Demokratik Shqiptar i përfaqësuar nga Naser Aziri. Për shpalljen e listës u mblodhën 6.319 nënshkrime mbështetëse, nga të cilat 5.988 u konfirmuan si të vlefshme. Lista zgjedhore garon me numrin 17 dhe përbëhet nga dhjetë kandidatë, pesë gra dhe pesë burra, nga Presheva, Bujanoci, Medvegja dhe Pazari i Ri. Aktualisht, Shaip Kamberi është i vetmi deputet shqiptar në kuvendin me 250 vendesh të Serbisë.

Në kuadër të aktiviteteve zgjedhore, më 19 tetor u mbajt një tubim në restorantin Bici në fshatin Samolicë të Bujanocit, pas një thirrjeje publike të bërë më 17 tetor. Në këtë takim morën pjesë përfaqësuesit e koalicionit Shaip Kamberi, Visar Memeti, Nagip Arifi, Shqiprim Musliu, Ardita Sinani, Naser Aziri dhe Ilir Sadriu. Më 18 tetor, Shaip Kamberi mbajti gjithashtu një takim me qindra qytetarë të gjeneratave të vjetra nga vendbanime të ndryshme të Komunës së Bujanocit, siç raportuan mediat lokale. Përfaqësuesit e koalicionit deklaruan se do të vazhdojnë takimet me qytetarët në të gjitha vendbanimet për të bërë thirrje për pjesëmarrje në votime.

Bartësi i listës, Shaip Kamberi, deklaroi se synimi i koalicionit është sigurimi i tri ose më shumë ulëseve në kuvend. Ai theksoi se zbatimi i Planit Shtatëpikësh mbetet ndër kërkesat kryesore dhe ngriti shqetësime për diskriminimin, mungesën e investimeve, pengesat në punësim dhe moszbatimin e zotimeve institucionale ndaj shqiptarëve të Luginës. Kryetarja e Preshevës, Ardita Sinani, vlerësoi se bashkimi politik mund ta fuqizojë përfaqësimin e shqiptarëve dhe të ndihmojë në mbrojtjen e të drejtave të tyre.