Dimiq: Vuçiq po shënjestron liderët e Luginës dhe djalin e Rashiqit

Gazetari serb Radomir Dimiq ka ngritur pikëpyetje për qasjen e presidentit të Serbisë, Aleksandar Vuçiq, ndaj liderëve të Luginës së Preshevës dhe për sulmet ndaj djalit të ministrit në Qeverinë e Kosovës, Nenad Rashiq. Sipas reagimit të tij, liderët e Luginës po shënjestrohen për shkak të bashkimit të tyre për të garuar së bashku në zgjedhjet parlamentare të Serbisë, të parapara për 25 tetor, ndërsa djali i Rashiqit, sipas reagimit, është parë duke vallëzuar me studentët në Nish.

Dimiq e ka kritikuar Vuçiqin për gjuhën dhe kërcënimet ndaj kundërshtarëve politikë gjatë fushatës parazgjedhore, duke e akuzuar se po e shndërron garën zgjedhore në një përplasje personale dhe në një luftë kundër atyre që duan ta shpëtojnë vendin nga ai dhe regjimi i tij.