Një nënë dhe dy fëmijë humbën jetën nga zjarri në Postribë
Viktimat, që kishin ardhur nga Gjermania për pushime, dyshohet se u bllokuan pas shpërthimit të një bombole gazi në fshatin Domen rreth orës 13:10.
SHKODËR — Një tragjedi e rëndë ka ndodhur në fshatin Domen të Postribës, ku një nënë e re dhe dy fëmijët e saj të vegjël kanë humbur jetën pasi banesa e tyre u përfshi nga flakët. Ngjarja e rëndë ndodhi rreth orës 13:10, kur 24-vjeçarja ndodhej brenda me fëmijët.
Hetimet paraprake tregojnë se shkak i zjarrit në shtëpinë e vjetër të familjes Çela mund të ketë qenë shpërthimi i një bombole gazi. Policia sqaroi se nentegjarje është gjetur edhe një shishe me benzinë, ndërsa banesa u shkrumbua tërësisht brenda pak minutave.
Familja Çela, e cila jetonte në Gjermani, kishte ardhur me pushime në Shkodër. Ata kishin mbërritur në fshatin Domen për të kryer disa punime riparimi në banesën e vjetër, kur ndodhi aksidenti fatal që mori jetët e nënës dhe fëmijëve një dhe tre vjeç.
Kryefamiljari ka shpëtuar pasi në momentin e shpërthimit ndodhej pak më larg në fshat. Për fat të keq, ndërhyrja e banorëve ka qenë e pamundur për të shpëtuar tre viktimat për shkak të përhapjes së menjëhershme të flakëve që përfshinë shtëpinë.
Burim: TeSheshi, https://tesheshi.com/tragjedia-qe-po-keput-zemren-e-cdo-shqiptari/
— Redaksia ZHURMA.