Situatë e qëndrueshme në Shkodër pas reshjeve të shiut
Strukturat e emergjencave mbeten në gatishmëri në të gjithë qarkun e Shkodrës pas reshjeve të fundit.
Redaksia ZHURMA · · 1 min lexim
Territori i qarkut Shkodër paraqitet i qetë dhe pa problematika të evidentuara, pavarësisht reshjeve të shiut të regjistruara gjatë 24 orëve të fundit. Sipas Prefekturës së qarkut, situata është e qëndrueshme në bashkitë Shkodër, Malësi e Madhe, Vau i Dejës, Pukë dhe Fushë-Arrëz, ndërsa strukturat e Mbrojtjes Civile dhe kapacitetet vendore vijojnë të jenë në gatishmëri të plotë për çdo situatë të mundshme.
Monitorimi i kryer nga Drejtoria e Ujitjes dhe Kullimit Lezhë tregon se janë regjistruar rreth 40 milimetra reshje shiu, por nuk janë konstatuar dëmtime apo probleme në argjinaturat mbrojtëse, kanalet kulluese dhe digën e rezervuarit të Shtodrit. Hidrovorët e Velipojës janë funksionalë, kurse ekipet e ndërmarrjeve të bashkisë ndodhen në terren për pastrimin e pusetave nga uji i grumbulluar në rrugë.