Mërgata mobilizohet në prag të seancës në Hagë

Në kuadër të zhvillimeve dhe seancës në Hagë, është shënuar një mobilizim i gjerë i mërgatës shqiptare. Ismail Tasholli, nismëtar i platformës “Liria ka Emër”, ka bërë të ditur se për organizimin e këtij tubimi janë angazhuar mbi 200 vullnetarë. Sipas tij, qindra bashkatdhetarë kanë udhëtuar nga shtete të ndryshme të Europës duke lënë pas angazhimet dhe duke marrë leje pune, me qëllim që të ndodhen pranë Kosovës gjatë kësaj periudhe të rëndësishme. Përfaqësuesi i platformës ka theksuar se mesazhi përcjellës është se ish-pjesëtarët e UÇK-së nuk janë të vetëm, ndërsa tubimet dhe përcjellja e ngjarjeve do të bëhen përmes ekraneve publike për të gjithë qytetarët e mbledhur.