Meloni i shkruan Këshillit të Evropës për strategjinë e BE-së ndaj Ukrainës

Kryeministrja e Italisë, Giorgia Meloni, i ka dërguar një letër presidentit të Këshillit Europian, Antonio Costa, ku trajton çështjen e strategjisë së Bashkimit Europian për Ukrainën. Sipas kryeministrikes italiane, mungesa e koordinimit mes vendeve të kontinentit jep imazhin e një bashkësie të përçarë dhe përfundimisht ndihmon ata që dëshirojnë vazhdimin e luftës.

Në letrën e saj, Meloni thekson se kjo situatë është e papranueshme kur në lojë janë jetët njerëzore dhe e ardhmja e sigurisë. «Duke pasur parasysh zhvillimet e fundit, ndihem e detyruar t’i rikthehem një çështjeje që e kam ngritur vazhdimisht në Këshillin Europian», shkruan ajo, duke shtuar se bëhet fjalë për një domosdoshmëri urgjente që Europa të flasë me një zë të vetëm.

Në mbyllje të letrës, ajo ka sqaruar se qëndrimi i saj nuk ka për qëllim sigurimin e ndonjë pozicioni për Italinë apo ndonjë rol personal në formatet e diskutimit. «Nuk po kërkoj një pozicion për Italinë në njërin apo tjetrin format», thekson kryeministrja, duke shtuar se nuk kërkon një rol të tillë as për veten e saj.