Studentët e UT prezantojnë projekte inovative në "Bridge to Balkans 2026"

TETOVË — Studentët e Universitetit të Tetovës, nga katedra e Informatikës, morën pjesë në programin ndërkombëtar "Bridge to Balkans 2026", i organizuar më 2 nëntor 2026, në qendrën e inovacionit Innox Innovation Center në Shkup. Universiteti u përfaqësua me dy projekte inovative, të realizuara nga studentët Ar Imeri, Mal Hajrullai, Nuh Mehmedi, Fis Idrizi, Daut Asllani dhe Artan Ceka. Pjesëmarrja u mbështet nga mentorët Mr. Sc. Verda Misimi dhe Doc. Dr. Shkurte Luma-Osmani, udhëheqëse e programit studimor Informatikë.

Universiteti i Tetovës u bë Partner i Ekosistemit në këtë program, duke ofruar mundësi për studentët dhe sipërmarrësit e rinj të zhvillojnë idetë e tyre inovative. Programi "Bridge to Balkans 2026" ofron mentorim, orientim profesional dhe mundësi për rrjetëzim, duke mbështetur zhvillimin e sipërmarrjes dhe bashkëpunimit ndërkombëtar. Studentët përfituan nga përvoja praktike, duke avancuar konceptet e projekteve dhe duke ndarë ide me pjesëmarrës të tjerë. Parlamenti Studentor i Universitetit të Tetovës mbështet këto iniciativa, duke promovuar angazhimin e studentëve në aktivitete që pasurojnë përvojën e tyre universitare.