KSHZ-ja refuzon ankesën e VMRO-DPMNE-së, Arkin Jahiji fitues zyrtar në Bërvenicë
Komisioni Shtetëror i Zgjedhjeve ka rrëzuar pretendimet e partisë opozitare për parregullsi në Çellopek, duke konfirmuar triumfin e kandidatit të AKI-së.
Redaksia ZHURMA · · 1 min lexim
Arkin Jahiji i AKI-së është konfirmuar zyrtarisht fitues i zgjedhjeve lokale në Komunën e Bërvenicës, pasi Komisioni Shtetëror i Zgjedhjeve hodhi poshtë ankesën e VMRO-DPMNE-së. Kontestimi i partisë opozitare kishte të bënte me vendvotimin 2038 në fshatin Çellopek, ku kërkohej anulimi i votimit për shkak të një rasti ku një grua e moshuar ishte shoqëruar nga djali i saj gjatë votimit. Në këtë vendvotim kishin votuar 411 qytetarë, ku Jahiji kishte marrë 391 vota, Stojanço Radiçevski 13 vota, kurse shtatë fletëvotime ishin shpallur të pavlefshme. Ankesa nuk mori asnjë votë në mbledhjen e organit zgjedhor, duke i dhënë fund tentativave për përmbysjen e rezultatit ku kandidati i AKI-së kishte dalë përpara me një diferencë prej 265 votash.
Siç raportoi Zhurma më 1 nëntor 2026, ky zhvillim vjen pas raundit të dytë të zgjedhjeve lokale, ku gara e zhvilluar në këtë komunë të pollogut kishte prodhuar një betejë të ngushtë ndrmjet kandidatëve shqiptarë dhe atyre maqedonas, ndërkohë që procesi kishte kaluar nëpër faza të tensionuara politike dhe apele publike nga figurat e njohura të skenës politike vendase për mbështetjen e kandidatit fitues.
