Media italiane “Io Donna” vlerëson Shqipërinë për shtatorin
Artikulli në median italiane veçon bregdetin shqiptar për pushime në shtator, me çmime më të përballueshme dhe qetësi.
Redaksia ZHURMA · · Përditësuar · 1 min lexim
Mediet italiane i kanë kushtuar vëmendje vendit tonë si një mundësi ideale për pushime gjatë muajit shtator. Sipas shkrimit të botuar nga Simona Sirianni në “Io Donna”, pas përfundimit të pikut të verës, bregdeti ofron më shumë qetësi dhe kushte të përshtatshme falë temperaturave dhe ujërave të Jonit që mbeten ideale për vizitorët. Saranda, Himara dhe Dhërmiu përmenden ndër pikat që mund të shijohen në këtë periudhë me kosto më të ulëta, duke e paraqitur vendin si një alternativë konkurruese në rajonin e Mesdheut për udhëtarët që synojnë të kursejnë.
