Gjilani mbyll rrugën ‘Mulla Idrizi’ për 2 ditë — shkak punimet në kanalizim
Segmenti i rrugës 'Mulla Idrizi' do të mbyllet për punime në rrjetin e kanalizimit
Komuna e Gjilanit ka njoftuar qytetarët se punimet për ndërtimin e Bulevardit të Qytetit dhe parkingut nëntokësor po zhvillohen sipas planifikimit, ndërsa për shkak të punimeve në rrjetin e kanalizimit do të ketë kufizime të përkohshme në qarkullimin e automjeteve. Sipas njoftimit, më 23 dhe 24 korrik do të mbyllet për qarkullim segmenti i rrugës 'Mulla Idrizi', nga rrethrrotullimi te Hoteli Kristal deri te Stacioni Policor.
Autoritetet komunale kanë kërkuar mirëkuptim nga qytetarët për shqetësimet e përkohshme, duke theksuar se punimet janë pjesë e projektit për ndërtimin e Bulevardit të Qytetit dhe parkingut nëntokësor, investim që synon përmirësimin e infrastrukturës dhe lehtësimin e qarkullimit në qendër të Gjilanit. Burim: Telegrafi
— Redaksia ZHURMA