LSDM akuzon Qeverinë për dështim në menaxhimin e etheve të Nilit

Lidhja Socialdemokrate e Maqedonisë ka akuzuar sërish Qeverinë dhe institucionet shëndetësore për menaxhim të dobët të situatës nga ethet e Nilit Perëndimor, duke vlerësuar se kreu i ekzekutivit dhe autoritetet po dështojnë përballë kësaj krize. Më parë, kjo parti kishte kërkuar përgjegjësi për helmimin në Gostivar dhe për vetë shpërthimin e rasteve të këtyre etheve.

Sipas të dhënave të prezantuara nga opozita, deri më 1 shtator janë regjistruar gjithsej 56 raste dhe shtatë persona kanë humbur jetën, ndërsa vendi renditet i pari në Evropë për nga numri i rasteve në raport me popullsinë. LSDM ka kritikuar gjithashtu kryetarin e Qytetit të Shkupit, Orce Gjorgjievski, për vonesa në spërkatjen kundër mushkonjave.