Turqia dhe Maqedonia e Veriut nënshkruajnë marrëveshje për shëndetësinë

Turqia dhe Maqedonia e Veriut kanë nënshkruar një memorandum mirëkuptimi në fushën e shëndetësisë dhe shkencave mjekësore, me qëllim forcimin e bashkëpunimit në kujdesin shëndetësor. Kjo u bë e ditur nga ministri turk i Shëndetësisë, Kemal Memisoglu, i cili u takua me homologun e tij nga Maqedonia e Veriut, Sasho Klekovski.

Takimi dhe nënshkrimi i marrëveshjes u zhvilluan në margjinat e Kongresit të 12-të Botëror Turkik të Mjekësisë. Memisoglu tha përmes një deklarate se vendi i tij po vazhdon të zgjerojë bashkëpunimin ndërkombëtar në sektorin shëndetësor.

Ministri turk theksohet se u shpreh rreth synimeve të përbashkëta. «Synojmë të zhvillojmë përpjekjet tona të përbashkëta në shumë fusha, veçanërisht në shëndetin publik, farmaceutikë dhe pajisje mjekësore, investime në shëndetësi dhe digjitalizimin e shërbimeve shëndetësore», u shpreh ai, duke shtuar se beson sinqerisht në forcimin e bashkëpunimit dypalësh dhe në rezultate pozitive për të dy vendet.