Mbi 70 mijë të regjistruar për vaksinim kundër gripit sezonal

Ministria e Shëndetësisë ka njoftuar se përmes aplikacionit vakcinacija.mk janë regjistruar gjithsej 70.185 persona për vaksinim falas kundër gripit sezonal. Deri më tani janë vaksinuar 6.282 persona që bëjnë pjesë në grupet e rrezikut.

Procesi i imunizimit po zhvillohet në 31 pika në të gjithë vendin. Prej tyre, pesë pika ndodhen në Shkup, konkretisht në poliklinikat Idadija, Bit Pazar dhe Gjorqe Petrov, në Qendrën për Shëndet Publik në Shkup, si dhe në Institutin e Shëndetit Publik.

Sipas njoftimit zyrtar, ky vaksinim falas është i dedikuar për personat mbi 65 vjeç, ata me sëmundje kronike, punonjësit shëndetësorë, gratë shtatzëna dhe fëmijët e moshës nga gjashtë muaj deri në pesë vjeç.