KEDS-i: Erërat dëmtuan rrjetin elektrik, vazhdon puna në terren
Ekipet e KEDS-it janë në terren pas erërave të forta që shkaktuan ndërprerje të energjisë elektrike në disa komuna të enjten në mbrëmje.
Redaksia ZHURMA · · 1 min lexim
Erërat e forta që përfshinë disa komuna të enjten në mbrëmje shkaktuan ndërprerje të energjisë elektrike në rrjetin shpërndarës. Sipas njoftimeve, zonat më të prekura përfshijnë Prishtinën, Gjakovën, Dragashin, Prizrenin, Suharekën, Kamenicën, Gjilanin, Kaçanikun, Lipjanin, Shtimen, Drenasin, Obiliqin, Fushë-Kosovën, Podujevën dhe Ferizaj.
Belona Dallaveraj nga KEDS-i bëri të ditur se brenda tri orëve të para pas qetësimit të motit, ekipet arritën të normalizojnë furnizimin me energji elektrike për rreth 80 për qind të konsumatorëve të prekur. Ajo shtoi se janë lokalizuar problemet me shtylla dhe përçues në pothuajse të gjitha pikat e rrjetit shpërndarës ku u evidentuan dëmtime, ndërsa ekipet po vazhdojnë angazhimin në terren për sanimin e plotë të problemeve dhe normalizimin e furnizimit.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar