ISHP merr mostrat nga Kopshti nr. 10 në Vlorë pas dyshimeve për helmim

VLORË — Specialistët e Institutit të Shëndetit Publik kanë marrë mostrat përkatëse pas dyshimeve për helmim nga ushqimi te fëmijët e Kopshtit nr. 10, ndërsa pritet përgjigjja e analizave për të përcaktuar shkakun e problemeve shëndetësore. Mbrëmjen e kaluar, shtatë fëmijë u paraqitën në shërbimin e pediatrisë në Vlorë me simptoma të njëjta, duke shfaqur bark, të vjella të vazhdueshme dhe dhimbje barku. Nga këto raste, pesë fëmijë janë shtruar dhe vazhdojnë të marrin trajtim mjekësor në spital, kurse prindër të tjerë kanë konfirmuar se u kanë dhënë ndihmë fëmijëve të tyre në banesë pasi kanë shfaqur të njëjtat simptoma.