Instituti paralajmëron rrezik të lartë për zjarre në 9 qarqe
Sa do të arrijnë temperaturat të martën në zonat e ulëta të vendit?
TIRANË — Instituti i Gjeoshkencave paralajmëron rrezik të lartë për zjarre pyjesh në qarqet Lezhë, Durrës, Tiranë, Elbasan, Fier, Berat, Korçë, Vlorë dhe Gjirokastër, të hënën dhe veçanërisht të martën. Në Shkodër, Kukës dhe Dibër rreziku parashikohet i moderuar, ndërsa në pjesë të jugperëndimit të Shkodrës dhe të Dibrës ai është lokalisht i lartë.
Të martën temperaturat do të jenë shumë të larta — deri 37°C në bregdet, deri 40°C në zonat e ulëta dhe 33°C në zonat malore. Këto kushte, të kombinuara me ajrin e thatë, janë ideale për përhapjen e shpejtë të zjarreve.
Sipas Institutit, gjatë ditës së martës situata pritet të jetë akoma më e rënduar. Reshje të dobëta parashikohen në Shkodër, Kukës, Dibër dhe Lezhë, ndërsa në Tiranë, Elbasan, Korçë dhe Gjirokastër ato do të jenë vetëm lokalisht. Era do të fryjë e lehtë deri mesatare.
Burim: Report TV
— Redaksia ZHURMA