Pse u takua u.d. presidentja Haxhiu me ambasadorin zviceran?
Ambasadori zviceran përmbylli mandatin e tij diplomatik në Kosovë
Redaksia ZHURMA · · Përditësuar · 1 min lexim
Ushtruesja e detyrës së presidentes së Kosovës, Albulena Haxhiu, ka pritur sot në një takim lamtumirës ambasadorin e Zvicrës, Jürg Sprecher, me rastin e përfundimit të mandatit të tij diplomatik. U.d. presidentja Haxhiu ka shprehur falënderimet e saj për bashkëpunimin e shkëlqyer dhe angazhimin e treguar nga ambasadori Sprecher në drejtim të fuqizimit të marrëdhënieve dypalëshe.
Kosova dhe Zvicra kanë lidhje të thella, të ndërtuara edhe nga breza të bashkatdhetarëve tanë që Zvicrën e kanë bërë shtëpinë e tyre të dytë, shkruan Haxhiu. Në mbyllje të takimit, u.d. presidentja Haxhiu i uroi ambasadorit Sprecher suksese në angazhimet e tij të radhës, duke shprehur mirënjohje të thellë për miqësinë dhe kontributin e tij të çmuar ndaj Republikës së Kosovës.
Burim: Albinfo.ch, https://www.albinfo.ch/haxhiu-falenderon-ambasadorin-sprecher-breza-te-tere-te-mergates-sone-e-bene-zvicren-shtepi-te-dyte/ — Redaksia ZHURMA
