Gucati e Rrustemi: Dënimi i krerëve të UÇK-së godet luftën
Krerët e pranishëm në Marshin për Liri deklaruan se një dënim i ish-krerëve të UÇK-së do të ishte goditje ndaj luftës për liri.
Redaksia ZHURMA · · Përditësuar · 1 min lexim
Gjatë “Marshit për Liri”, kreu i Organizatës së Veteranëve të Luftës së UÇK-së, Hysni Gucati, deklaroi se një dënim i ish-krerëve të Ushtrisë Çlirimtare të Kosovës nga Gjykata Speciale në Hagë do të ishte më shumë se një goditje ndaj individëve. Ai theksoi se protesta nuk është organizuar për të mbrojtur persona të caktuar, por për të mbrojtur të vërtetën e Kosovës dhe luftën për liri.
Në këtë tubim ka marrë pjesë edhe deputeti i Lëvizjes Vetëvendosje, Adnan Rrustemi, i cili e ka cilësuar Gjykatën Speciale si të padrejtë dhe të gabueshme, duke përsëritur se lufta e UÇK-së ishte e drejtë dhe çlirimtare. Ky tubim vjen si një vazhdimësi e reagimeve publike dhe mbështetjes për ish-krerët e UÇK-së që po gjykohen në Hagë.
