Gallapeni: Fanella e Kosovës më jep ndjenjë të papërshkrueshme

Futbollisti Dion Gallapeni ka folur për përvojën e tij me Përfaqësuesen e Kosovës, duke evokuar fillimet e hershme kur lunte te Prishtina dhe debutimin kundër Islandës në plejofin e Ligës së Kombeve. Në një intervistë për faqen zyrtare të skuadrës së tij Wisła Płock, ai ka përmendur se si aktivizimi i tij dhjetëminutësh në pjesën e dytë erdhi në një kohë kur ishte shumë i ri dhe përballej me lojtarë nga ligat e forta evropiane.

Gallapeni u ndal te zhgënjimi nga humbja kundër Turqisë në finalen e plejofit për Kualifikueset e Kupës së Botës 2026, duke theksuar megjithatë rritjen e ekipit si shtet i ri dhe rëndësinë e të parit përpara. 21-vjeçari, i cili numëron tashmë shtatëmbëdhjetë paraqitje me Dardanët, ka vlerësuar atmosferën e krijuar nga tifozët dhe bashkëpunimin e mirë me bashkëlojtarët në nivelin ndërkombëtar.

Përfaqësuesja e Kosovës synon tashmë kualifikimin në Kampionatin Evropian të vitit 2028, ndërkohë që gjatë këtij muaji ekipi do të zhvillojë ndeshje të reja në Ligën e Kombeve kundër Izraelit dhe Irlandës.