Mjekët e Mitrovicës shpëtojnë fëmijën që ra në pishinë
Stabilizohet në spital dhe transferohet në QKUK për trajtim të mëtejshëm
Redaksia ZHURMA · · Përditësuar · 1 min lexim
MITROVICË — Një fëmijë është shpëtuar falë ndërhyrjes së shpejtë të ekipit mjekësor në Spitalin e Përgjithshëm "Dr. Sami Haxhibeqiri" në Mitrovicë, pasi kishte rënë në ujë në një nga restorantet e qytetit. Sipas njoftimit të spitalit, fëmija u dërgua në gjendje të rënduar shëndetësore në Emergjencë nga ekipi i Urgjencës së Qytetit.
Me të mbërritur në Emergjencë, menjëherë janë ndërmarrë masat reanimuese nga stafi emergjent, ndërsa fëmija është transferuar në Qendrën Klinike Universitare të Kosovës për trajtim të mëtejshëm, me parametra shëndetësorë më të qëndrueshëm.
Burim: Lajmi.net, https://lajmi.net/intervenimi-i-shpejte-i-mjekeve-shpetohet-nje-femije-ne-mitrovice-pasi-ra-ne-pishinen-me-uje/
— Redaksia ZHURMA
