19-vjeçari shqiptar humb jetën në aksident në Itali
Ai ishte në udhëtim nga Franca për pushime dhe ditëlindje në Kosovë
Redaksia ZHURMA · · Përditësuar · 1 min lexim
MILANO — 19-vjeçari Dion Emerllahu, një shqiptar që jetonte dhe punonte në Francë, humbi jetën në një aksident të rëndë trafiku në Itali. Sipas njoftimit të Këshillit të Fshatit Ramjan, Dioni ishte nisur së bashku me familjen nga Franca drejt Kosovës për të kaluar pushimet verore dhe për të festuar ditëlindjen në vendlindje.
Gjatë udhëtimit, në afërsi të Milanos, automjeti që drejtohej nga 19-vjeçari u përfshi në një aksident me një veturë tjetër. Si pasojë e përplasjes, ai u transportua me urgjencë në një spital të zonës, ku për disa ditë luftoi për jetën nën kujdesin e mjekëve.
Lajmi për vdekjen e tij ka pikëlluar familjarët, miqtë dhe banorët e fshatit Ramjan, të cilët e kujtojnë Dionin si një djalë të urtë, punëtor dhe të respektuar. Ai ndërroi jetë më 24 korrik, pikërisht në ditën kur mbushi 19 vjeç, në praninë e prindërve të tij.
Burim: Insajderi — Redaksia ZHURMA
