Adnan R. mbetet i lirë ndërsa hetimet e Gjermanisë zbulojnë detaje të reja

Autoritetet gjermane nuk kanë konstatuar arsye ligjore për të dërguar në paraburgim 19-vjeçarin Adnan R. nga Hagen, i cili ka shtetësi gjermane dhe kosovare dhe mund të lirohet së shpejti, ndërsa hetimet e nisura përfshijnë edhe persona të tjerë për planifikim sulmi terrorist.

Sipas raportimeve të medias gjermane BILD, i dyshuari kryesor është një 23-vjeçar nga Unna nën akuzë nga Prokuroria e Përgjithshme në Düsseldorf, i cili ndodhet në paraburgim për shkak të rrezikut të arratisjes pasi dyshohet se ishte radikalizuar gjatë dhjetë muajve të fundit. Gjatë muajit shtator, dy të dyshuarit kishin diskutuar mundësinë e sigurimit të dy pushkëve automatike të tipit AK-47 për nga 1.000 euro secila, ndërsa më 1 tetor forcat speciale bastisën banesa në Unna dhe Hagen pa gjetur armë.

Në kuadër të këtij rasti janë përfshirë edhe dy shtetas sirianë të moshës 20 dhe 24 vjeç, ndaj të cilëve ende nuk është ngritur ndonjë akuzë për mungesë provash, ndërsa objektivi i sulmit mbetet i panjohur megjithëse ishin përmendur thika, vetura apo armë zjarri.