Kush janë dy çiklistët që mbërritën nga Zvicra në Gjilan me moton 'Go to Kosova'?
Alban Hyseni priti Halit Kadriun dhe Shqipe Isufi-Kadriun, të cilët pedaluan nga Zvicra deri në vendlindje.
GJILAN — Kryetari i Komunës së Gjilanit, Alban Hyseni, ka pritur dy çiklistë nga diaspora që kanë udhëtuar me biçikleta nga Zvicra deri në Kosovë. Halit Kadriu dhe Shqipe Isufi-Kadriu e kryen rrugëtimin me moton “Go to Kosova”, duke e promovuar vendin gjatë gjithë itinerarit.
Në një postim në Facebook, Hyseni e cilësoi rrugëtimin e tyre si “të jashtëzakonshëm” dhe vuri në dukje se nisma përcjell “një mesazh të bukur për Kosovën dhe lidhjen e pandashme me atdheun”. Ai shprehu shpresën se udhëtimi do të shërbejë si frymëzim për të tjerë.
Burim: Telegrafi
— Redaksia ZHURMA
