Vesa Luma shpreh mallin për jetën në Zelandën e Re

Këngëtarja Vesa Luma ka ndarë me ndjekësit në rrjetet sociale një pamje nga Zelanda e Re, duke shprehur nostalgjinë e saj për vendin ku ka jetuar për disa vite bashkë me familjen. Artistja është shfaqur duke shijuar një peizazh piktoresk të rrethuar nga gjelbërimi dhe ujërat e kaltra, ndërsa në videon e publikuar ka shkruar «10/10 bench in New Zealand».

Mbishkrimi që ka tërhequr më shumë vëmendje në postimin e saj është fjali në gjuhën shqipe «A jam budallaqe që kam lënë këtë parajsë?», e cila ka përcjellë mallin e këngëtares. Vesa Luma dhe bashkëshorti i saj, reperi Big Basta, kanë ndërtuar dikur jetën e tyre familjare në këtë shtet larg vëmendjes mediatike.

Postimi i fundit rikthen në vëmendje lidhjen e tyre me vendin e largët, ndërkohë që mbetet e paqartë nëse fjalët e saj janë thjesht shprehje e nostalgjisë apo pasqyrojnë ndonjë pendesë të mundshme për largimin.