Çfarë projekte uji dhe rruga po ngrehen në 11 vende të Gostivarit?

GOSTIVAR — Qyteti po kalon periudhë më të intensifikuarë investimesh me punime në 11 lokacione njëkohësisht, përfshirë ndërtimin e linjës së re kryesore të ujësjellësit përgjatë Bulevardit që pritet të rrisë kapacitetin e furnizimit me ujë të pijshëm me mbi 40 për qind, nënvizojnë autoritetet lokale.

Paralelisht, po zhvillohen rikonstruksioni dhe ndërtimi i akseve rrugore: rruga kryesore në Balindoll, segmenti Forinë–Ako Gradba, rruga “Nikola Tesla”, rrugët 2 dhe 3 në Zonën VII, rruga “Servet Bajrami” deri te Gjimnazi, si dhe rrugët “Beogradska”, “Shumatovska”, “Dimitar Vllahov” dhe “Sedek Kostovski”.

Investimet synojnë modernizimin e infrastrukturës rrugore dhe komunale, përmirësimin e sistemit të furnizimit me ujë, dhe krijimin e kushteve më të mira për lëvizjen dhe jetesën e qytetarëve, sipas informacioneve nga autoritetet vendore.

Punimet po ecen sipas planifikimit, por për shkak të shtimit të frekuentimit të qytetit gjatë sezonit veror dhe ardhjes së mërgimtarëve, aktivitetet ndërtimore do të pezullohen përkohësisht gjatë javës së ardhshme, për të rifilluar në fund të muajit gusht.

Me përfundimin e këtyre projekteve, pritet të përmirësohen kushtet infrastrukturore në disa pjesë të Gostivarit, duke ndikuar pozitivisht në funksionalitetin e rrjetit rrugor dhe të shërbimeve komunale për banorët dhe vizitorët.

Burim: TV21
— Redaksia ZHURMA