Pejë: Arrestohet personi për vepra penale kundër integritetit seksual ndaj të miturës
Prokuroria ka kërkuar paraburgim për të dyshuarin, ndërsa viktima po trajtohet nën përkujdesje institucionale.
Redaksia ZHURMA · · Përditësuar · 1 min lexim
Një person është ndaluar për 48 orë në Pejë nën dyshimin për kryerjen e dy veprave penale kundër integritetit seksual, ku viktimë dyshohet të jetë vajza e tij e mitur. Zëdhënësi i Prokurorisë Themelore në Pejë, Shkodran Nikçi, ka bërë të ditur se prokurori i shtetit ka parashtruar kërkesë për caktimin e masës së paraburgimit, ndërsa seanca për të është duke u mbajtur.
Sipas Nikçit, viktima ka marrë trajtimin e duhur dhe ndodhet nën përkujdesjen e institucioneve shtetërore. Departamenti për të Mitur ka paraqitur kërkesë për paraburgim për veprat penale “Sulmi seksual” dhe “Materiale me përmbajtje të shfrytëzimit dhe keqpërdorimit të fëmijëve”, ndërsa gjatë operacionit është bastisur shtëpia e të dyshuarit dhe janë sekuestruar pajisje elektronike si prova materiale.
