Rama: Drejtoreshën e Investimeve Kapitale po e thërrasin në hetuesi

Kryetari i Prishtinës, Përparim Rama, ka bërë të ditur se prokuroria ka mbajtur në intervistë për orë të tëra punëkryesin dhe menaxherin e projektit të njohur si «Ishullit Urban», projekt ky që lidh rreth 30 mijë banorë të lagjes Arbëria me qendrën e kryeqytetit. Sipas tij, krahas tyre, edhe drejtoresha e Investimeve Kapitale po thirret në hetuesi në mënyrë të shpeshtë.

Duke reaguar ndaj këtyre zhvillimeve, Rama u ka bërë thirrje autoriteteve të mos ushtrojnë presion ndaj zyrtarëve që po përpiqen të punojnë për qytetin. «Mos ushtroni presion mbi njerëzit që po mundohen me e bo punën e vet për kryeqytetin. Nëse ju po përballeni me presion politik, mos ua bartni atyre», ka shkruar ai.