Aksident trafiku në aksin Pejë-Radavc; dy të lënduar pas përplasjes
Dy vetura janë përplasur në rrugën Pejë-Radavc, duke lënë dy persona të lënduar që janë dërguar në spital.
Redaksia ZHURMA · · 1 min lexim
Një aksident trafiku ka ndodhur në aksin rrugor Radavc–Pejë, ku janë përfshirë dy automjete dhe njëra prej tyre ka përfunduar jashtë rrugës kryesore. Siç ka konfirmuar zëdhënësi i policisë për rajonin e Pejës, Driton Rugova, rasti është njoftuar rreth orës 07:45 në fshatin Vitomiricë.
Rugova ka treguar se si pasojë e këtij aksidenti dy persona kanë pësuar lëndime trupore dhe të njëjtit janë dërguar në Spitalin rajonal në Pejë për trajtim mjekësor. Në vendin e ngjarjes kanë dalë njësitë e Policisë së Kosovës për t'u marrë me rastin, ndërsa hetimet po zhvillohen nga Njësiti Rajonal i Trafikut në Pejë.
