Vol. I
Nr. 179
viti 2026 i pavarësisë
Pse u arrestua ish-drejtori i Policisë së Vlorës?
Çfarë ndodhi në konfliktin për çështje pronësie me vëllezërit?
TIRANË — Ish-drejtori i Policisë së Vlorës, Sokol Mulosmani, është vënë në pranga nga policia në Tiranë pas një konflikti të dhunshëm me familjarët që dyshohet se ka shpërthyer për shkak të një mosmarrëveshjeje pronësie. Sipas informacioneve, bashkë me të janë arrestuar edhe katër persona të tjerë, mes tyre tre vëllezërit dhe nipi i tij. Mulosmani së bashku me tre vëllezërit e tij janë konfliktuar me njëri-tjetrin, teksa ishte i pranishëm edhe nipi i tij.
Ngjarja u regjistrua mbrëmjen e së dielës në rrugën “Njazi Meka”, në kryeqytet, ku përplasja mes familjarëve dyshohet se ka nisur për çështje pronësie.
*Burim: BoldNews*
*— Redaksia ZHURMA*
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.