Ndoja: Vendimi për pronat në Ujë të Ftohtë është nul dhe do të apelohet
Pëllumb Petritaj u dënua me 7 vjet burg për falsifikim dokumentesh dhe pastrim parash, ndërsa avokati i tij paralajmëroi ankimim.
Redaksia ZHURMA · · 2 min lexim
Gjykata e Vlorës shpalli fajtor ish-avokatin dhe biznesmenin Pëllumb Petritaj, duke e dënuar me 7 vjet burg për falsifikim dokumentesh dhe pastrim të produkteve të veprës penale lidhur me pronat në zonën e Ujit të Ftohtë. Avokati i tij, Ferdinand Ndoja, e cilësoi vendimin si «nul» dhe paralajmëroi se çështja do të apelohet. «Nuk u provua që Pëllumb Petritaj kishte dijeni që vendimi i gjykatës ishte i falsifikuar. Petritaj ka vepruar si përfaqësues në atë çështje, si quasi avokat. I kanë dhënë aktet dhe i ka dorëzuar. Ky është një kalvar i gjatë dhe do të vazhdojë gjatë», tha avokati Ndoja për BIRN.
Vendimi pasoi urdhërin e dhënë për konfiskimin dhe kalimin në pronësi të shtetit të pasurive të paluajtshme me vlerë rreth 16 milionë euro, të cilat i përkisnin Artur Shehut, familjarëve të tij dhe personave të tretë. Sipas hetimeve, skema mbështetej te një vendim gjyqësor i 14 majit 1996 për trashëgiminë e Seit Shehut, i cili u ggetKey i falsifikuar bashkë me përbërjen e trupës gjykuese. Kjo shërbeu për regjistrimin e një sipërfaqeje prej 32 mijë metrash katrorë në vitin 2009, e cila më pas u nda në parcela për të fshehur origjinën e paligjshme. Shehu dhe Petritaj janë lidhur më parë edhe me dyshime për mbi 108 hektarë në Zvërnec, ku përfshihet një transaksion prej 128 milionë eurosh i sekuestruar nga SPAK në qershor, lidhur me planet për një resort të mbështetur nga kryeministri Edi Rama dhe të promovuar nga Jared Kushner e Ivanka Trump.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar