Durrës: Rrezikohen kalimtarët nga fasada e pallatit 15-katësh në Currila
Zjarrfikësit ndërhyjnë në Durrës pasi elementët dekorativë të një pallati dëmtuan një automjet.
Redaksia ZHURMA · · 1 min lexim
DURRËS — Shërbimi zjarrfikës ndërhyri për të hequr elementët e dëmtuar nga fasada e një pallati 15-katësh në rrugën e Currilave, pasi mbrëmë u shkëputën copat dekorative që dëmtuan një automjet dhe rrezikuan kalimtarët. Durrësi mbetet një qytet ku ngjarje të ngjashme me shkëputje pllakash mermeri, suvash apo elementësh dekorativë nga fasadat e pallateve dhe godinave institucionale janë shënuar edhe më parë.
Procesi i heqjes së rrezikut nuk paraqitet i lehtë për shkak të lartësisë së godinës, pasi autoshkalla e Shërbimit të Mbrojtjes dhe Shpëtimit nga Zjarri arrin vetëm deri në një lartësi të caktuar. Sipas administratorit Bala, ndërhyrja komplikohet pasi banorët nuk kanë bashkëpunuar për t'i lënë zjarrfikësit të hyjnë nga ballkonet e tyre, ndërkohë që ai shton se 12 strukturat me elementë dekorativë që arrijnë deri në katin e 15-të me gjatësi 40 metra paraqesin probleme dhe incidenti i mbrëmjes së të enjtes mund të përsëritet në të ardhmen.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar