Arrestohen tre persona për shpërthimin në Athinë ku humbën jetën gjashtë persona

Policia greke ka ndaluar pesë persona në total, të gjithë të komunitetit rom me origjinë greke dhe shqiptare, pas shpërthimit të një godine në lagjen Plaka të Athinës që u mori jetën gjashtë personave një muaj më parë. Nga hetimet e deritanishme, prova të implikimit janë gjetur vetëm ndaj tre prej tyre, respektivisht dy shtetasve grekë dhe një shqiptari, të cilët janë arrestuar nën akuzën e vjedhjes me pasojë vdekjen.

Sipas autoriteteve policore, të dyshuarit u filmuan nga kamerat e sigurisë duke vjedhur tubat e bakrit në impiantin e gazit të banesës pak para se ajo të shpërthente. Tragjedia shkaktoi vdekjen e tre personave me origjinë shqiptare, Florin, Flirida Hoxha, Iris Cani, Ian Kirpractik, shtetases greke Athina Papapresku dhe shtetasit britanik Endmond Hings. Tre të arrestuarit pritet të dërgohen në gjykatë.