Memeti: Platforma jonë ka kushte për qeverinë e re në Serbi

Deputeti i zgjedhur në Kuvendin e Serbisë, Visar Memeti, ka bërë të ditur se koalicioni shqiptar ka hartuar një platformë të përbashkët me pika që do të shërbejnë si bazë për negociata me qeverinë e re. Gjatë një paraqitjeje në emisionin «Debat në Shenja», ai theksoi se «pasivizimi i adresave, mosnjohja e diplomave, mosinkuadrimi i shqiptarëve në institucionet shtetërore, çështja e simboleve kombëtare dhe shumë çështje të tjera janë prioritete, të cilave duhet t’u qasemi në Kuvend».

Lidhur me mundësinë e bashkëpunimit me Listën studentore, Memeti ka shpjeguar se ende nuk ka pasur kontakte për shkak se zgjedhjet sapo kanë përfunduar, por ka lënë të hapur mundësinë e takimeve në ditët ose javët në vijim. Ndërkohë, duke folur për përfshirjen në pushtet, ai deklaroi se «nuk është kusht të jemi pjesë e qeverisë, por pse të mos jemi, pasi thirren në ndryshim të madh».

Në këtë kontekst, deputeti i zgjedhur ka vlerësuar gjithashtu mobilizimin e jashtëzakonshëm të shqiptarëve gjatë procesit zgjedhor, duke përmendur mbështetjen e ardhur nga personalitete dhe politikanë nga Maqedonia e Veriut, përfshirë Ali Ahmetin dhe përfaqësues të koalicionit VLEN.