Zvicër: Heroinë, armë e para në pronën e shqiptarit të hedhur nga dritarja
Sekuestrohen lëndë narkotike, para dhe një pistoletë pas kontrollit në pronën e 35-vjeçarit në Lucern.
Redaksia ZHURMA · · 1 min lexim
Gjatë një kontrolli të mëtejshëm në pronën ku qëndronte i dyshuari në Pfeffikon, autoritetet zvicerane zbuluan dhe sekuestruan disa qindra gramë substanca narkotike, përkatësisht heroinë dhe kokainë, si dhe disa mijëra franga zvicerane në para të gatshme, një pistoletë dhe një dokument identifikimi të falsifikuar. Ngjarja ndodhi kur 35-vjeçari u hodh nga dritarja e një lartësie prej rreth tre metrash e gjysmë për t'i ikur kontrollit policor, duke pësuar lëndime dhe duke u arratisur për pak kohë para se të lokalizohej e të dërgohej me helikopter në spital.
Hetimi po udhëhiqet nga Zyra e Prokurorit Publik të Lucernit, përkatësisht Departamenti 4 i Krimeve të Veçanta, ndërsa i dyshuari mbetet nën hetim për dyshimet rreth trafikut të drogës deri në një vendim përfundimtar nga autoritetet kompetente.
