Aleanca miraton raportin e Kryesisë dhe pret lirimin e katër udhëheqësve të UÇK-së

Këshilli i Përgjithshëm i Aleancës për Ardhmërinë e Kosovës ka shqyrtuar dhe miratuar raportin e punës së Kryesisë së partisë, duke vlerësuar angazhimin në terren dhe dinamikën e re të organizimit të strukturave. Mbledhja e rregullt e këtij Këshilli trajtoi zhvillimet politike në vend, konsolidimin e brendshëm organizativ dhe procesin gjyqësor në Hagë.

Në prag të shpalljes së vendimit nga Gjykata Speciale, strukturat e Aleancës shprehën bindjen e tyre në luftën e Ushtrisë Çlirimtare të Kosovës. Sipas njoftimit, Aleanca vlerëson se pastërtia e luftës për liri është e padiskutueshme dhe e mbrojtur historikisht.

Aleanca deklaroi se pret vendim lirues për katër udhëheqësit e UÇK-së. Në përfundim, partia ritheksoi qëndrimin se lufta e UÇK-së ishte e drejtë dhe e pastër.