Sa aksidente rrugore u regjistruan në Shqipëri në maj?

TIRANË — Insituti i Statistikave (INSTAT) publikoi sot të dhënat në lidhje me aksidentet rrugore gjatë muajit maj të këtij viti. Sipas INSTAT, në muajin maj në vend janë regjistruar 133 aksidente rrugore, ku 181 persona kanë mbetur të vrarë ose të plagosur.

Bazuar në të dhënat e publikuara nga INSTAT, rezulton se gjatë periudhës janar–maj 2026 numri i aksidenteve rrugore është rritur me 3,4% krahasuar me të njëjtën periudhë të një viti më parë. INSTAT bën të ditur se 94% e aksidenteve rrugore kanë ndodhur si pasojë e sjelljes së drejtuesve të mjeteve.

Grupmosha 25-34 vjeç rezulton më e përfshira në aksidente, duke përbërë 30,8% të numrit total të rasteve të regjistruara gjatë kësaj periudhe. Numri më i lartë i aksidenteve rrugore është regjistruar përgjatë harkut kohor 08:00-12:00, duke përbërë 27,1% të numrit total të aksidenteve rrugore.

Burim: ATSH
— Redaksia ZHURMA