Çfarë ndodhi në fshatin Llakatund në Vlorë?

VLORË — Një vatër zjarri është regjistruar rreth mesditës së kësaj të hëne në fshatin Llakatund. Flakët kanë përfshirë sipërfaqe me bimësi, ndërsa era e fortë po favorizon përhapjen e tyre në zonat e përreth.

Menjëherë pas njoftimit, drejt vendngjarjes janë nisur dy automjete të shërbimit zjarrfikës. Forcat po punojnë për të izoluar vatrën dhe për të parandaluar rrezikimin e banesave apo përhapjen në sipërfaqe më të mëdha.

Deri në këto momente nuk raportohen persona të lënduar, ndërsa autoritetet po monitorojnë nga afër situatën për të vënë gjendjen nën kontroll.

Burim: Shqiptarja
— Redaksia ZHURMA