23 vatra zjarri shpërthejnë në 24 orë
Ministria e Mbrojtjes mobilizoi 47 automjete zjarrfikëse, 445 forca dhe 65 efetivë të Forcave të Armatosura për të shuar vatrat.
TIRANË — Gjatë 24 orëve të fundit janë raportuar 23 vatra zjarri në territorin e vendit, ndërsa dy vatra mbeten ende nën monitorim aktiv sipas Ministrisë së Mbrojtjes.
Në operacionet e shuarjes janë angazhuar 47 automjete zjarrfikëse dhe 445 forca operacionale, me mbështetjen e 65 efetivësh të Forcave të Armatosura, 3 automjete të FA-së, 2 helikopterë dhe 1 avion "Air Tractor" i Forcës Ajrore.
Vatra në Dajt është fikur por zona po mbahet në monitorim; në Priskë, Çikallesh, Leshtej-Collak (Kavajë), Mushnik (Rrogozhinë), Kostren 2 (Berat) dhe Uruçaj (Peqin) zjarret janë shuar plotësisht. Në Mallakastër (zonën Ndrenie–Vlosh–Panahor) vijon operacioni me vatrën active në krahun verior, ndërsa në Plan të Bardhë (Klos) zjarri u shua me 5 automjete, 26 efetivë MZSH-së dhe 25 të FA-së.
Actualisht nuk raportohet asnjë vatër që të paraqesë rrezik për zonat e banuara; dy zonat e mbetura janë në monitorim nga AKMC dhe strukturat e mbrojtjes civile.
Burim: ATSH
— Redaksia ZHURMA
