Tre të vdekur dhe pesë të lënduar në aksidentet e së shtunës

Aksidenti më tragjik u regjistrua pranë tunelit të Murrizit në Rrugën e Arbrit, ku përplasja e fortë mes dy automjeteve u mori jetën dy personave dhe la të plagosur pesë të tjerë të cilët u dërguan me urgjencë në spital. Mes viktimave të këtij aksidenti ishte drejtuesi 42-vjeçar i njërit prej mjeteve dhe një pasagjere nga mjeti tjetër. Ndërkohë, një tjetër ngjarje e rëndë u shënua në aksin rrugor Fushë Krujë-Thumanë, ku një 19-vjeçar përplasi për vdekje një 65-vjeçar që po lëvizte në këmbë, me drejtuesin e mjetit që u shoqërua në Komisariat për veprime të mëtejshme ndërsa grupet hetimore dolën në terren për të zbardhur rrethanat e plota.