Kamionçina përmbyset në aksin Pogradec-Qafë Thanë pranë Udënishtit

POGRADEC — Një aksident rrugor ka ndodhur në aksin nacional Pogradec–Qafë Thanë, pranë fshatit Udënisht, ku një kamionçinë ka humbur kontrollin dhe është përplasur me mbrojtëset anësore të rrugës. Si pasojë e përplasjes, mjeti është përmbysur, duke shkaktuar dëme të konsiderueshme materiale, por pa lëndime për drejtuesin i cili ka arritur të dalë vetë nga makina.

Ngjarja ka ndodhur në një segment që njihet si njollë e zezë për shkak të aksidenteve të përsëritura ndër vite. Autoritetet policore kanë mbërritur në vendngjarje dhe po hetojnë për zbardhjen e rrethanave, ndërsa paraprakisht dyshohet se shkak i humbjes së kontrollit të mjetit mund të jetë bërë pakujdesia e drejtuesit së bashku me lagështirën në rrugë.