Kush e ndezu bombolën e gazit në Kuvend?

Ministri në detyrë i Punëve të Brendshme, Xhelal Sveçla, ka dalë përsëri para Gjykatës së Prishtinës për t’u përballur me akuzat për hedhjen e gazit lotsjellës në seancën e Kuvendit të Kosovës më 21 mars 2018, kohë kur ai ishte deputet.

Gjatë seancës së datës 3 korrik 2026, prokurori Valdrin Krasniqi paraqiti pamje ku, sipas tij, vërehet momenti kur i pandehuri Xhelal Sveçla e ndez bombolën e gazit. Këto dëshmitë janë pjesë e aktakuzës që rëndon mbi ministrin në detyrë.

Sveçla ka kërkuar që në cilësi të dëshmitarëve të dëgjohen të gjithë të pranishmit në sallën e Kuvendit në atë ditë, por kjo kërkesë u refuzua nga gjyqtari Sabit Sadikaj, i cili e konsideroi kërkesën të paqartë, sipas prokurorisë.

Mbrojtësi i Sveçlës, avokati Laur Prenaj, propozoi thirrjen e ekspertëve të toksikologjisë dhe të armëve për të vërtetuar nëse është përdorur armë kimike. Prenaj argumentoi se njerëzit pranë Sveçlës nuk kanë manifestuar simptoma, gjë që sipas tij e bën teorinë e gazit lotsjellës të pamundshme.

Gjyqtari Sadikaj refuzoi edhe këtë propozim të mbrojtjes. Ndërkohë, Sveçla deklaroi se veprimi i tij kishte qëllim politik për të penguar atë që ai e quajti një tradhti dhe falje toke përmes procesit të demarkacionit.

Sveçla theksoi se presioni dhe shantazhi mbi deputetët kanë qenë më të mëdhenj se tentativa e tij për të ndaluar shitjen e 8 mijë hektarëve tokë, duke u referuar faktit që shumë deputetë kanë zgjedhur të qëndronin në sallë.

Seanca u ndërpre pas kërkesës së avokatit Prenaj për shkak të temperaturave të larta dhe angazhimeve profesionale të Sveçlës. Seanca e radhës është caktuar për në muajin gusht 2026, pasi seanca e majit ishte shtyrë për shkak të një angazhimi të Sveçlës jashtë shtetit.

Burim: Kallxo
— Redaksia ZHURMA