Çfarë do të thotë formalizimi i VLEN-it si parti politike?
Si do të organizohet VLEN-i në terren pas mbledhjes së nënshkrimeve?
TETOVA — Në Pallatin e Kulturës në Tetovë po mblidhen nënshkrimet për themelimin formal të VLEN-it, duke shënuar nisjen zyrtare të subjektit si parti politike në përputhje me ligjet e Maqedonisë së Veriut, transmeton TV21. Bashkëkryetari Bilall Kasami tha se pas përmbylljes së këtij procesi do të fillojë organizimi i strukturave në degë e nëndegë, me synim adresimin e problemeve të qytetarëve dhe zbatimin e programit politik.
"Sot në Pallatin e Kulturës në Tetovë është organizuar grumbullimi i nënshkrimeve për themelimin formal të VLEN-it me çka po nis edhe zyrtarisht rrugëtimi i subjektit VLEN si parti politike konform ligjeve të Maqedonisë së Veriut," tha Kasami. Ai i ka thirrur të gjithë aktivistët nga Struga deri në Kumanovë që të japin nënshkrimin e tyre, dhe shprehet i bindur se sot ky proces do të përmbyllet me sukses.
"Nga sot do të nisë aktiviteti jonë në terren për vizitë të strukturave të VLEN-it me çka do të nisë edhe ngritja e strukturave në nivel të degëve dhe nëndegëve dhe do të jemi gati për t'ju përgjigjur qytetarëve në problemet të cilat i kanë dhe realizimin e programit," shtoi bashkëkryetari i VLEN-it.
Burim: TV21
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.