Hyrjet e të huajve në Shqipëri rriten me 6,2% — mbi 5 milionë vizitorë
98% e të huajve hynë për arsye personale, ndërsa hyrjet për biznes ranë 17,7% krahasuar me një vit më parë.
TIRANË — Shqipëria regjistroi 9.166.350 hyrje të shtetasve shqiptarë dhe të huaj gjatë gjashtëmujorit të parë të 2026, ose 6,6% më shumë krahasuar me të njëjtën periudhë të vitit të kaluar. Sipas INSTAT, në vend hynë 5.059.069 shtetas të huaj me rritje 6,2%, ndërsa shqiptarët 4.107.281 me rritje 7,1%.
Sipas rajoneve të origjinës, shumica e vizitorëve të huaj vijon të vijë nga Evropa: Evropa Jugore përbën 66% të hyrjeve evropiane, ndërsa Evropa Qendrore dhe Lindore zë 14%.
98% e shtetasve të huaj kanë hyrë në Shqipëri për qëllime personale, trend në rritje 1,6% krahasuar me qershorin e vitit 2025. Ndryshe nga kjo, hyrjet për qëllime biznesi dhe profesionale kanë shënuar një rënie prej 17,7%.
Gjatë vetëm muajit qershor, në territor hynë 2.081.649 shtetas shqiptarë dhe të huaj, ose 0,9% më shumë se në qershor 2025. Njëkohësisht, nga Shqipëria dolën 2.008.987 njerëz, ose 4,7% më shumë se një vit më parë.
Burim: ATSH
— Redaksia ZHURMA