NPO përmbys vendimin: Holanda nuk merr pjesë në Eurovision 2027

Transmetuesi publik NPO ka vendosur që Holanda të mos marrë pjesë në edicionin e vitit 2027 të Festivalit Evropian të Këngës, duke përmbysur njoftimin e mëparshëm se vendi do të rikthehej në konkurs. Drejtori i medias në NPO, Jurre Bosman, deklaroi se përfshirja e Izraelit nxit përçarje dhe reagime të ndryshme në shoqëri.

Kryetarja e NPO-së, Jet de Ranitz, bëri të ditur se pavarësisht diskutimeve paraprake, nuk u arrit të sigurohej një format i përshtatshëm për rikthim. «Fatkeqësisht, nuk arritëm të gjenim një format të përshtatshëm për këtë», u shpreh ajo, duke shtuar se vendi do të vazhdojë transmetimin e ngjarjes.

Drejtori i Eurovisionit, Martin Green, theksoi se organizatorët e respektojnë qëndrimin e Holandës, ndërsa edicioni i ardhshëm pritet të mbahet më 15 maj në Burgas të Bullgarisë, mes konfirmimeve se edhe Irlanda do të mungojë.