Vdes Dr. Sinan Prekazi, ish-drejtor i Spitalit të Mitrovicës
Gjatë luftës, mjeku i ndihmoi familjes Jashari dhe luftëtarëve të UÇK-së, duke rrezikuar jetën për t'i shpëtuar.
MITROVICË — Ka ndërruar jetë Dr. Sinan Prekazi, ish-drejtor i Spitalit të Mitrovicës dhe një nga mjekët më të njohur të qytetit, njoftoi Sinjali. Ai udhëhoqi institucionin në vitet kur ai konsiderohej ndër qendrat më të rëndësishme shëndetësore në Kosovë, duke u vlerësuar për profesionalizmin e tij.
Gjatë luftës në Kosovë, Dr. Prekazi u vu në shërbim të familjes Jashari dhe luftëtarëve të Ushtrisë Çlirimtare të Kosovës. Ai ofroi ndihmë mjekësore në rrethana të vështira, duke rrezikuar jetën për të shpëtuar të tjerë.
Krahas emrave si Dr. Adem Ademi, Dr. Sami Haxhibeqiri, Dr. Bajram Rexhepi, Dr. Shaqir Demiri, Dr. Avdyl Salihu, Dr. Adem Nura dhe Dr. Gani Shabani, Prekazi dha një kontribut të rëndësishëm në shërbim të pacientëve të Mitrovicës.
Me iniciativën e Dr. Avdyl Salihut, Prekazi ishte pjesë e një ekipi mjekësh që udhëtonin në zonat pa kujdes shëndetësor, kryesisht në Drenicë dhe Shalë, duke u bërë simbol i përkushtimit ndaj qytetarëve.
Burim: Sinjali
— Redaksia ZHURMA