Uji i Gostivarit ndotur me Pseudomonas aeruginosa — rrezik për grupet e ndjeshme

GOSTIVAR — Uji i pijshëm në Gostivar ende nuk është i sigurt për pirje dhe përdorim, pasi përmban bakterin Pseudomonas aeruginosa, e cila e bën ujin mikrobiologjikisht të papërshtatshëm dhe të rrezikshëm për shëndetin. Këtë e konfirmoi sot Stojançe Angellov, drejtor i Drejtorisë për Mbrojtje dhe Shpëtim.

Bakteret shkaktojnë infeksione të lëkurës, syve dhe veshëve, si dhe infeksione të traktit urinar dhe të mushkërive te personat e ndjeshëm, duke pasur rezistencë të lartë ndaj shumë ilaçeve dhe antibiotikëve të zakonshëm. Angellov theksoi se rreziku është veçanërisht i madh për njerëzit me imunitet të dobët.

Ndërkohë, tre cisterna me ujë të pijshëm dhe ujë teknik janë angazhuar për nevojat e qytetarëve: një nga Njësia Territoriale e Zjarrfikësve në Gostivar, një nga Bechtel dhe Enka, dhe një nga Bogovina. Secila ka furnizuar dy herë deri tani, dhe planifikohet që deri mbrëmje të bëhen dy furnizime shtesë.

Shpërndarja po zhvillohet në koordinim të ngushtë me Shtabin Komunal për Mbrojtje dhe Shpëtim të Komunës së Gostivarit, duke siguruar që uji të arrijë qytetarët më të prekur nga ndërprerja e furnizimit të sigurt.

Burim: Almakos
— Redaksia ZHURMA