Çfarë ndodhi me turisten nga Zelanda në Valbonë?

VALBONË — Një turistja nga Zelanda, Amy, e cila prej tre vitesh e gjysmë jeton në Zelandën e Re, tregon për peripecitë e saj pasi u kafshua nga nepërka me bri, gjarpri më helmues që gjendet në Shqipëri, ndërsa po vraponte në një shteg malor pranë Valbonës më 21 qershor, rreth orës 10:19.

Menjëherë pasi u kafshua, ajo filmoi gjarprin për ta identifikuar më vonë, u ul në shteg dhe telefonoi numrin e emergjencës 112. Për shkak të terrenit të vështirë dhe vështirësive në komunikim, ndihma nuk arriti ta lokalizonte menjëherë. Më pas, Amy telefonoi babanë e saj në Australi, i cili i kërkoi të dërgonte vendndodhjen përmes aplikacionit What3Words, në mënyrë që të ndihmonte autoritetet të përcaktonin pozicionin e saj. Paralelisht, ajo kontaktoi edhe pronarin e një bujtine në Shkodër, i cili u lidh me autoritetet lokale përmes WhatsApp dhe bëri të mundur dërgimin e ambulancës në zonën ku ndodhej.

Gjatë pritjes, turistja tregon se fillimisht improvizoi gabimisht një turniket me rrobat e saj, por më vonë e hoqi dhe vendosi një fashim kompresiv rreth plagës, ndërsa qëndroi e palëvizshme sipas udhëzimeve që mori.

Ajo rrëfen se frika më e madhe ishte fakti se ishte kafshuar nga gjarpri më helmues në Shqipëri. Megjithatë, ajo vazhdoi të filmonte veten, të dokumentonte çdo moment dhe madje të bënte humor, duke u përpjekur të ruante qetësinë. Ajo thekson se pa sinjalin e telefonit celular, ngjarja mund të kishte përfunduar ndryshe, dhe u bën thirrje të gjithë turistëve që eksplorojnë zona të thella malore të pajisen me pajisje emergjence si inReach ose Personal Locator Beacon (PLB), të shkarkojnë aplikacione për ndarjen e vendndodhjes si What3Words dhe të mbajnë gjithmonë me vete një çantë të përshtatshme të ndihmës së parë.

Pas një përvojeje traumatike, Amy falënderon të gjithë ata që i erdhën në ndihmë dhe thekson se reagimi i shpejtë i banorëve vendas dhe autoriteteve bëri të mundur shpëtimin e saj. Ajo ka kthyer këtë përvojë në një mesazh shprese: edhe në momentet më të vështira, nuk duhet humbur kurrë shpresa.

Burim: Telegrafi
— Redaksia ZHURMA