Osmani: Ky pushtet i largoi miqtë, nesër mund të ketë goditje të rënda
Reagimi i ish-presidentes pas interpretimit të këngës nacionaliste serbe në një aktivitet të Bashkimit Evropian në Bruksel.
Redaksia ZHURMA · · 1 min lexim
Deputetja e Lidhjes Demokratike të Kosovës, Vjosa Osmani, ka reaguar lidhur me interpretimin e një melodie nga një këngë nacionaliste serbe në një aktivitet të organizuar nga Bashkimi Evropian në Bruksel. Sipas saj, në këtë organizim ku Kosova nuk ishte e ftuar, u prezantua një melodi që e paraqet Kosovën si pjesë të Serbisë.
Përmes një postimi në rrjetet sociale, ish-presidentja tha se Kosova po e paguan çmimin e largimit nga aleatët. «Aleatët nuk i largon dot pa pasoja. Armiqtë nuk presin derisa ti ta kuptosh dëmin. Dhe këtë çmim nuk po e paguan pushteti, por Kosova», ka shkruar Osmani, duke paralajmëruar se pasojat mund të jenë edhe më të rënda në të ardhmen.
Ajo ka kërkuar nga organizatorët e këtij forumi të dhënë shpjegime dhe të mbajnë përgjegjësi për këtë akt, ndërsa ka kritikuar qeverisjen aktuale duke shtuar se Brukseli nuk mund t'i zëvendësojë miqtë e larguar.