Aleanca i jep afat Kuvendit deri më 7 gusht për konstituim

PRISHTINË — Nënkryetari i Aleancës, Besnik Tahiri, tha se konstituimi i Kuvendit nuk duhet të shtyhet më larg se data 7 gusht. Deklarata erdhi pas një takimi të partive me kryetaren e Kuvendit, Albulena Haxhiu, e cila kërkon konsensus për zgjedhjen e presidentit. Sipas Tahirit, Kuvendi duhej konstituar menjëherë, pasi kanë kaluar katër javë që kur u certifikua rezultati i zgjedhjeve të 7 qershorit.

Është e pakuptueshme që për katër muaj ditë sa kemi ndejtë në Kuvend, gishti i është adresuar opozitës për moskonstituim të institucioneve, tha Tahiri. Ai shtoi se interpretimet për një afat 30-ditor e dëmtojnë Kosovën, dhe se zgjatja e procesit lidhet me qëllime për një cikël të ri zgjedhor.

Duke folur për një bashkëpunim të mundshëm me Lëvizjen Vetëvendosje, Tahiri tha se, nëse nuk merren parasysh gjashtë kërkesat e Aleancës, partia nuk voton, pavarësisht se kërkesat nuk përfshijnë hise në qeveri. Nëqoftëse nuk e përfillin, ia pafshin hajrin, tha ai.

Kryetari i Aleancës, Ardian Gjini, kishte njoftuar më 9 korrik se nuk e sheh të arsyeshëm takimin me kryetarin e Lëvizjes Vetëvendosje, Albin Kurti. Gjini i tha Kurtit se Aleanca është gati, pa kushte, të ndihmojë kuorumin për president nëse mandatari i Qeverisë pranon gjashtë pikat e tyre.

Gjashtë kërkesat përfshijnë pranimin e projektit të gazsjellësit amerikan, ndërtimin e një termocentrali të ri me qymyr, rritjen e pragut të TVSH-së nga 30 në 100 mijë euro, lirim nga tatimi në pronë për tokat bujqësore, buxhetim të plotë rrugësh për Gjilanin, Pejën, Gjakovën, Mitrovicën, Podujevën, si dhe 800 milionë deri në 1 miliard euro investime për Prishtinën.

Burim: Kallxo
— Redaksia ZHURMA