Superliga e Kosovës vazhdon me ndeshje të reja në futboll
Superliga e Kosovës vazhdon me ndeshjet e xhiros së parë të edicionit të ri.
PRISHTINË — Superliga e Kosovës vazhdon me ndeshje të xhiros së parë të edicionit të ri në futboll. Sezoni i ri nisi me ndeshjen ku Gjilani e mposhti Feronikelin 74 me rezultat 1:3.
Në kuadër të ndeshjeve të tjera, vëmendja kryesore do të jetë te përballja mes Prishtinës dhe Ballkanit. Në stadiumin me bari sintetik në Gjilan, Drita do të përballet me Llapin, me ndeshjen e caktuar të zhvillohet nga ora 16:30, ku të dyja skuadrat synojnë ta nisin sezonin e ri me rezultat pozitiv dhe tri pikë. Drita do të kërkojë ta shfrytëzojë faktorin fushë, ndërsa Llapi do të tentojë të largohet nga Gjilani me pikë.
Ndërkohë, në Skënderaj, Drenica do të jetë nikoqire e Dukagjinit të Klinës, kurse në Hajvali, Vushtrria do të përballet me Malishevën, e cila ishte nënkampione e sezonit të kaluar. Të dyja këto ndeshje do të zhvillohen nga ora 16:30.